नाचा गम्मत ह मोह लेथे मन

छत्तीसगढ़ के लोक रंगमंच नाचा गम्मत ह हमर पुरखा के पाहरो ले चलत आत हे। गम्मत म मनोरंजन के संगे संग जाति, धरम, उच-नीच, अन्धविश्वास, रूढ़िवादी, भरस्टाचार जइसे सामाजिक अउ राजनैतिक समस्या ल जोरदार उठाय हे। नाचा के गीत, नृत्य, सुहावन अउ उद्देश्यपुर्न गोठ-बात म मनखे मन के मनोरंजन होथे। खुला आसमान म नाचा के रसिक मन रात भर एकर आनंद लेथे। आजकल फिलिम अउ केबल टीबी के सेती नाचा के देखइया कमतियात हे। तभो ले हमर कलाकर मन के मनोबल अउ उत्साह ह कम नई होहे। पूरा लगन अउ मेहनत ले अभी भी काम करत हे।